Iran ta sake musanta zargin cewa tataimakawa Rasha da makamai

Iran ta nisanta kan ta daga cikin kasashen da ke baiwa Rasha makamai da za ta yi amfani da su a yakin Ukraine, kasar da sojojin Rasha suka mamaye.

Wasu daga cikin makaman Iran da ake kyauatata zaton ta taimakawa Rasha da su AFP - -

kyiv da kawayenta na Yamma suna zargin Moscow da yin amfani da jirage marasa matuka da Iran ta kera wajen kai hare-hare kan Ukraine a makonnin da suka gabata. A  litinin ake sa ran za a tattauna batun a taron ministocin harkokin wajen kungiyar tarayyar turai a Luxembourg.

Ministan harkokin wajen Iran Hossein Amir-Abdollahian ya musanta zargin da ake masa, ya kuma ce kasarsa ba ta bayar da  makaman da za a yi amfani da su a yakin Ukraine ba, a cewar wata sanarwa da ma'aikatarsa ​​ta fitar.

A ranar Litinin da ta gabata, shugaban kasar Ukraine Volodymyr Zelensky ya ce an kai hare-hare da dama da ya ce ta hanyar amfani da makamai masu linzami na Iran da jirage marasa matuka, tare da aukawa makamashin Ukraine.

A wata ganawa ta daban da shugaban diflomasiyyar Turai Josep Borrell, Mr. Amir-Abdollahian ya jaddada matsayin Iran a hukumance kan yakin Ukraine.