Jam'iyyar GERB mai ra'ayin mazan jiya na iya lashe zaben Bulgaria

Wata kuri'ar jin ra'ayin jama'a a Bulgaria ta yi hasashen jam'iyyar GERB mai ra'ayin mazan jiya ta tsohon Firayim Minista Boyko Borissov za ta iya lashe zaben 'yan majalisar dokokin kasar.

Bulgaria dai na fama da matsanancin hauhawar farashin kayayyaki © AP/Visar Kryeziu

Kuri'ar jin ra'ayin jama'ar da kungiyar Gallup ta kasa da kasa ta gudanar a ranar Lahadi, ta nuna cewa GERB na samun goyon bayan kashi 24.6 cikin 100, bisa ga dukkan alamu ta kawar da masu ra'ayin kawo sauyi a jam'iyyar da ke goyon bayan tsohon firaministan kasar Kiril Petkov, wadda ake sa ran za ta samu kashi 18.9 cikin dari.

Ana iya daukar kwanaki kafin a bayyana sakamakon karshe. Idan har suka tabbatar da zaben fidda gwani, za a mikawa Borissov wa'adin kafa majalisar ministocinsa na hudu. Sai dai ana ganin hakan zai zama babban aiki a gare shi ya samar da tsayayyiyar gwamnatin hadin gwiwa, tun da yawancin kungiyoyin siyasa sun yi watsi da duk wani hadin kai da jam'iyyarsa.

Bulgaria kasa mafi talauci a Tarayyar Turai na fama da hauhawar farashin kayayyaki da kusan kashi 20 a kowace shekara.

An gaza samun tsayayyar gwamnati har yanzu ga al'ummar yankin Balkan, sakamakon rarrabuwar kawuna tsakanin jiga-jigan 'yan siyasa kan yadda za a magance matsalar cin hanci da rashawa, wanda shi ne abin da aka fi mayar da hankali a kai a babban zaben da aka yi a watan Nuwamban da ya gabata.

Kuri'ar jin ra'ayin jama'a ta nuna cewa jam'iyyun siyasa takwas ne za su iya shiga majalisar dokokin kasar. Rashin kafa majalisar ministoci mai aiki zai bar kasar da ke karkashin mulkin Tarayyar Turai da kuma memba a NATO karkashin Rumen Radev da rasha ta taba nadawa a matsayin shugaban rikon kwarya.

Haka zalika, manazarta na cewa jam'iyyun siyasa, wadanda ke sane da hadarin tattalin arzikin da ya kunno kai sakamakon yakin Ukraine, musamman a lokacin sanyi da kuma rashin kwanciyar hankali na siyasa, na iya tilasta musu zabar sabuwar gwamnati.