Tasirin kafar Tiktok wajen dawo da fuskokin tsaffin jaruman Kannywood

Shirin dandalin nishadi tare da Mahaman Salissou Hamissou da taimakon Hauwa Kabir ya yi duba kan tasirin shafukan sada zumunta ga masana'antar shirya fina-finai ta Kannywood lura da yadda tsaffin taurari da aka jima ba a ji duriyarsu ba ke amfani da dandalin sada zumuntar musamman kafar Tiktok wajen bayyana kansu tare da tunawa magoya baya da tsaffin fina-finansu.

Jarumai da dama ne suka yi batan dabo a Masana'antar ta Kannywood sakamakon daina haskawa gabaki daya. AMINU ABUBAKAR / AFP

Haka zalika shirin ya yi duba kan wankewar da 'yan sanda suka yiwa mawaki Naira Marley, wanda da farko aka yi zargin cewa shi ke da hannu a kisan mawaki Mohbad, gabanin bincike ya tabbatar da cewa ba shi da hannu a kisan.

Duk dai cikin shirin na dandalin Nishadi za kuma kuji yadda fitacciyar 'yar jarida kuma 'yar fafutuka a Iran Narges Mohammadivta lashe kyautar zaman lafiya ta Nobel.

Ku latsa alamar sauti don sauraren cikakken shirin...............