Buhari ya karbi cikakken bayanin kasafin kudin Najeriya

A yau laraba an gabatar wa shugaban Najeriya Muhammadu Buhari da karin bayani a game da kasafin kudin kasar na shekarar bana daga majalisun tarayya kamar dai yadda ya ce ba zai sa hannu a kansa ba sai an yi masa wannan karin bayani.

Shugaban Kasar Najeriya Muhammadu Buhari REUTERS/Afolabi Sotunde

Majalisar dokokin Najeriyar ta zartar da kasafin kudin na kimanin dala biliyan 30 wanda ba a taba kasafi mai yawa irinsa ba.

Tuni dai aka danka wannan kundi a hannun masu bai wa shugaban kasar shawara kan lamurran da suka shafi majalisa Ita Enang da kuma Kawu Sumaila da kundin da ke kunshe da wadannan bayanai.