Nijar da Mali da Burkina Faso sun kafa rundunar yaki da ta'addanci a Sahel
Kasashen Nijar da Mali da kuma Burkina Faso sun sanar da kafa wata rundunar dakarun hadaka wadda za ta yi aikin yaki da matsalar ta’addancin da ke addbar kasashen 3 na yankin Sahel tsawon shekaru.
Wallafawa ranar:
Bayan sanarwowin bangarorin 3 da ke tabbatar da kafuwar rundunar a jiya Laraba, babban hafson Sojin Nijar Salaou Barmou bayan wata ganawa a birnin Yamai ya ce suna fatan faro aikin rundunar gadan-gadan nan gaba kadan.
Kasashen 3 wadanda dukkaninsu Sojoji ke mulkarsu bayan juyin mulki kuma suke da kyakkyawar alakar tsaro yanzu haka tsakaninsu da Rasha sun yi amannar hadakar za ta taimaka wajen dakile matsalolin tsaron da ke ci gaba da lakume dubunnan rayukan al’ummominsu.
Tsawon shekaru kenan kasashen na Nijar da Mali da kuma Burkina Faso na fama da matsalolin tsaro masu alaka da kungiyoyin da ke ikirarin jihadi da karfin tsiya, lamarin da ya kai ga juyin mulkin Soji sakamakon zargin gazawar gwamnatocin fararen hula.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu