Faransa ta bayyana damuwar ta kan rikici a Jamhuriyar Congo

Kasar Faransa ta bayyana damuwar ta kan halin da ake ciki a Jamhuriyar Demokradiyar Congo, inda ta bukaci shugaba Joseph Kabila da ya gabatar da shirin gudanar da zaben kasar.

'Yan sanda na arangama da masu zanga-zanga a Congo Charly Kasereka / AFPTV / AFP

Ministan harkokin wajen kasar Jean-Marc Ayraul ya bayyana halin da Congo ke ciki a matsayin mai tattare da hadari, inda ya yi kira ga shugaba Kabila da ya mutunta kundin tsarin mulkin kasar.

Akalla mutane 17 aka kashe a Kinshasa sakamakon aramagamar da akayi tsakanin jami’an tsaro da 'Yan adawa.

A watan Disamba wa’adin Shugaba Kabila ke cika, kuma kundin tsarin mulkin kasar bai ba shi damar sake tsayawa takara ba.