Daya daga cikin Ministocin shugaba Macron na iya fuskantar dauri a gidan yari
A yau Laraba ne wata kotu za ta yanke hukunci kan shari'ar da ake yi wa ministan shari'a na Faransa, Dupond-Moretti da ake zargi yin amfani da matsayinsa wajen daidaita maki da abokan hamayya daga aikinsa na shari'a da ta kunyata gwamnatin shugaba Emmanuel Macron.
Wallafawa ranar:
Sa’o’i kadan ne suka rage wa Ministan Shari’a ya yanke shawara kan makomarsa a siyasance. Bayan shari'ar da ba a taba yin irin ta ba, Kotun Shari'a ta Jamhuriyar (CJR) ta yanke hukuncin a ranar Laraba game da Eric Dupond-Moretti, wanda babu shakka ya taka matsayinsa a cikin gwamnati.
Ministan shari'a zai kasance a harabar kotun ta Paris don sauraron hukuncin da misalin karfe 3:00 na rana.
Masu gabatar da kara sun bukaci da a dakatar da hukuncin zaman gidan yari na shekara guda, tare da bayyana "tukunin" cewa Eric Dupond-Moretti ya kasance da laifin yin amfani da bukatu ba bisa ka'ida, a matsayinsa na minista, binciken gudanarwa da aka yi wa alkalai hudu wadanda ya soki lokacin da yake lauya.
Lauyoyi masu kare Ministan sun ce “ba shi da wani laifi”, suka kuma nemi a wanke shi.
Wannan ne karon farko da ake tuhumar wani ministan shari'a mai ci a kasar ta Faransa.
Firaiminista Elisabeth Borne ta yanke hukuncin a watan Oktoba na cewa Eric Dupond-Moretti zai ci gaba da kasancewa a cikin gwamnati har lokacin da za a yanke masa hukunci.
A lokacin shari'ar da ake yi masa, Eric Dupond-Moretti mai shekaru 62, ya nemi afuwar kotu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu