Arsenal ta ragargaji Lens da ci 6-0 a gasar zakarun Turai
Duniya – Kungiyar kwallon kafar Arsenal ta ragargaji Lens ta Faransa da ci 6 - 0 a karawar da suka yi na cin kofin zakarun nahiyar Turai a daren jiya, nasarar da ya jaddada jagorancinta a teburin gasar.
Wallafawa ranar:
Wannan nasara ta dada tabbatar da fatar da magoya bayan kungiyar ke da ita na farfadowar kungiyar ta su a cikin wannan gasa, bayan kwashe shekaru 5 ba tare da an dama da su ba.
Zaratan 'yan wasa irinsu Kai Haverts da Gabriel Jesus da Bukayo Saka da Gabriel Martinelli da Martin Odegard da kuma Jorginho suka zazzagawa Lens wadannan kwallaye guda 6.
Nasarar ta sanya Arsenal nan take ta samu damar zuwa zagaye na 2, wato zagayen 'yan 16 da maki 12 a matsayin farko na rukunin B, yayin da PSV ke matsayi na 2 da maki 8, sai kuma Lens da maki 5, sannan Seveilla da maki 2 a matakin karshe.
Arsenal wadda ke kokarin sake gina sabuwar kungiya a karkashin jagorancin Mikel Arteta, na taka rawar gani a gasar Firimiya, wadda yanzu haka take jagoranci da maki 30 a gaban kungiyar Manchester City mai rike da kofi, wadda ke da maki 29.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu