Clinton ta lashi takobin zama shugabar kasa ga kowa

Hillary Clinton ta amince da zabin da aka mata na zama yar takarar Jam’iyyar Democrat a zaben shugaban kasar Amurka da za’ayi a watan Nuwamba mai zuwa, inda tayi alkawarin bunkasa tattalin arzikin kasar da kuma watsi da manufofin abokin takarar ta Donald Trump.

'Yar takarar Shugabanci kasa a Democrats Hillary Clinton REUTERS/Carlos Barria

Clinton ta bayyana cewar ko wane Ba Amurke na da rawar da zai taka wajen daga darajar kasar sabanin ikirarin da abokin takarar ta keyi.

Clinton da ta soke Trump, ta ce Mulkin kasa ba na mutum guda ba ne, ko wani Ba Amurke na da rawar da zai taka wajen ci gaba da kare kasar sa.