Gwamnatin Burundi ta zargi kunfitar yan tawayen RED-Tabara da kashe akalla fararen hula 20

Shugaban Burundi Évariste Ndayishimiye AFP

Akalla mutane 20 ne da suka hada da 19 farar hula aka kashe  a yankin yammacin kasar Burundi, kamar yadda gwamnatin kasar ta sanar, harin da gungun mayakan yan tawayen RED-Tabara suka dau nauyi, duk da cewa,  su a sun ce sojojin gwamnati 10 ne suka kashe

An kai harin ne a ranar juma’ar da ta gabata a kauyen Vugizo, mai tazarar kilo mita sama da 20 da Bujumbura babban birnin cibiyar hada-hadar kasuwancin kasar, da kuma ya hada iyaka da kasar Jamhuriyar Demkradiyar Congo (JDC), kasar da a cikinta sansanin cibiyar yan tawayen na  RED-Tabara (Résistance pour un État de Droit au Burundi), babbar kungiyar yan tawayen da ke yakar gwamnatin da Evariste Ndayishimiye ke jagoranta.