Gwamnatin Jamhuriyar Demokradiyar Congo ta ba iyalan Bozize mafakar siyasa

Gwamnatin Jamhuriyar Demokradiyar Congo, ta tabbabar da cewar iyalan shugaba Francois Bozize sun shiga cikin kasar inda suka nemi mafakar siyasa, sai dai shugaban baya tare da su.

Shugaban kasar Jamhuriyar Afrika ta Tsakiya, Francois Bozize REUTERS/Luc Gnago

Ministan yada labaran kasar, Lambert Mende ya sanar da haka, inda ya kara da cewa an bawa iyalan na sa mafaka

“Lallai iyalan shugaban kasa, Francois Bozize, da Dansa Francis Bozize, wanda Janar ne na soja sun tsallako cikin Janhuriyar Demokradiyar Congo, inda suka nemi mafakar siyasa kuma mun basu, amma babu shugaba Bozize a cikinsu.” Inji Mende.