Errol Spence Jr da Terence Crawford zasu kara a Las Vegas

Amurkawa Errol Spence Jr da Terence Crawford ‘yan damben zamani, za su yi kokarin shiga tarihi ranar asabar a Las Vegas na kasar Amurka, inda daya daga cikinsu zai iya zama mutum na farko da ya lashe kambun gasar ajin masu nauyi, ajin na duniya ba tare da tantama ba.

Safar hannu na damben zanani da ko Boxing AP - Martin Mejia

Spence Jr, WBC, WBA da IBF zakaran duniya, yana da nasarori 28,yayinda Crawford, mai riƙe da bel na WBO, da nasarori 39,shi daiCrawford, tsohon zakaran ajin mara nauyi na duniya wanda daga baya ya tsalaka zuwa rukunin masu nauyi.

Errol Spence Jr.,Dan wasan dambe GETTY/AFP/File

Crawford, mai shekaru 35, ya ce "Zai fi jin dadin lashe kambun gasar da ba a taba yi ba a karo na biyu." Dan asalin Nebraska daga Amurka ya fara tafiyar sa ta nauyi ta hanyar tsayar da Manny Pacquiao wanda ya lashe kyautar Jeff Horn a cikin 2018.

Dan damben zamani Terence Crawford GETTY IMAGES NORTH AMERICA/AFP

A karawarsa ta karshe, Crawford ya fitar da David Avanesyan a zagaye na shida a watan Disamba.Babu abokin hamayyar da ya kai shi bayan zagaye 12 sama da shekaru shida. Nasarar da ya yi a kan Avanesyan ta ba da damar fafatawar da aka dade ana jira da Spence Jr.

Wannan ne karo na biyu da Spence ya dawo daga rauni, na farko ya zo a cikin 2019 bayan wani hatsarin mota da ya yi jinya na tsawon watanni.