Manyan Arsenal na baya na - Emery
Mai horar da ’yan wasan Arsenal, Unai Emery ya ce ba shakka yana da daurin gindin magabata a kungiyar, yayin da ake ta kiraye – kirayen a sallame shi.
Wallafawa ranar:
A yau Alhamis Arsenal za ta karbi bakuncin Eintract Frankfurt a gasar Turai ta Europa, kuma za ta shiga wannan wasa ne bayan ta yi wasanni 6 ba tare da ta samu nasara ba a dukkan gasanni.
Canjaras din da Arsenal ta yi 2-2 da Southampton a ranar Asabar, ta janyo ihu da korafi daga magoya baya, inda wasu ma suka fito fili su na mai kira da a yi hannun riga da Emery.
Sai dai duk da wadannan kiraye – kiraye na sallamar dan shekara 48 din, shine dai zai jagoranci Arsenal a fafatawar da za ta yi da Frankfurt, kuma har yanzu yana tinkaho da tutiyar cewa kusoshi a kungiyar kamar su Raul Sanllehi, da daraktan kwararru Edu da ma sauran masu kunbar susa a kungiyar suna bayansa.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu