Manchester United ta biya Mourinho kudin sallama
Manchester United ta biya tsohon kocinta Jose Mourinho da tawagar ma’aikatansa Pam miliyan 19.6 a matsayin kudin sallama bayan ta raba gari da shi a cikin watan Disamban da ya gabata.
Wallafawa ranar:
Manchester United ta bayyana adadin kudin ne bayan ta fitar da wani sakamakon alkaluman kudaden da ta kashe a bara.
Kungiyar ta salami Mourinho ne sakamakon rashin tabuka abin kirki a kakar bana, abin da ya jefa su mataki na 11 a teburin gasar bayan lallasar da suka sha a hannun Liverpool da ci 3-1.
Tuni magajinsa da aka nada a matsayin kocin rikon kwarya, Ole Gunnar Solskjaer ya lashe wasanni 10 daga cikin 11 da ya jagoranci kungiyar kafin a ranar Talatar da ta gabata, ya sha kashi a hannun PSG a gasar zakarun nahiyar Turai.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu