Gwamnan babban bankin Turkiya Hafize Gaye Erkan ta yi murabus daga mukaminta

Hafize Gaye Erkan Gwamnan babban bankin Tukiya da ta shafe kasa da shekara guda a wannan mukami ta sanar da yin murabus a jiya Juma'a a kamar yada ta wallafa a shafukan sada zumunta, sakamakon wata badakala da ta shafi 'yan uwanta.

Hafize Gaye Erkan,Tsofuwar babban Gwamnan bankin Turkiya AFP - HANDOUT

Shugaban kasar Turkiya Recep Tayyip Erdogan ya maye gurbinta da mataimakinta,tsohon masanin tattalin arzikin Amazon Fatih Karahan, wanda aka haifa a shekarar 1982.

Fatih Karahan ya fara aikin a matsayin masanin tattalin arziki a babban bankin tarayya na New York na kasar Amurka a shekarar 2012.

Hafize Gaye Erkan,tsofuwar Gwamnan babban bankin Turkiya © AP/Business Wire

Ya koma Amazon a shekarar 2022, da kuma babban bankin Turkiya a watan yulin shekarar 2023.

Yan lokuta da sauka daga wannan mukami daga uwargida Hafize Gaye Erkan, Shugaban kasar Erdogan ya tabbatar da Fatih Karahan, a wani lokaci a can baya da kasar ta yi fama da matsalollin tattalin arziki.

Kafofin yada labaran Turkiya da dama na zargin Hafize Gaye Erkan da laifin baiwa danginta dama a babban bankin kasar, lamarin da ta musanta.

Shugaban Turkiya ,Recep Tayyep Erdogan © Denes Erdos / AP

Hafize Gaye Erkan, tsofuwar Gwamnan mai shekaru 44 da haihuwa, mace ta farko a wannan matsayi kuma ta yi fice saboda kwarewarta a Amurka, ta fara aiki ne a farkon watan Yuni bayan sake zaben shugaba Erdogan.

Ana zarginta da laifin barin mahaifinta ya yanke hukunci ba bisa ka'ida ba a babban bankin kasar.

A cewar masu lura da al'amuran yau da kullun, ta fuskanci fushin shugaban ne a lokacin da ta shaida wa wata jaridar kasar Turkiya a watan Disamba cewa an tilasta mata komawa zama da iyayenta, tare da 'ya'yanta da mijinta, saboda hauhawar farashin kayayyaki da wasu dalilai daban.