Rasha ta sallami jami'an diflomasiyyar Austria hudu

A wani matakin mayar da martani, Rasha ta sanar da korar jami’an Diflomasiyyar Austria 4 bayan kasar ta koro jami’an diflomaisyyar Moscow zuwa gida, a dai dai lokacin da alaka ke kara tsami tsakanin kasar da kawayenta na Turai tun bayan da ta fara mamayarta a Ukraine. 

Ministan harkokin wajen Rasha, Sergueï Lavrov. AP - Marwan ali

Ma’aikatar harkokin wajen Rasha ta ce an bai wa jami’an daga yanzu zuwa ranar 25 ga watan nan su fice daga kasar.

A wata sanarwa, ma’aikatar harkokin wajen Rasha ta ce sallamar jami’an diflomasiyarta da Austria ta yi mataki  ne mara kyau da ya  haddasa tsamin dangantaka a tsakaninsu.

Austria da sauran kasashen kungiyar Turayyar Turai ta salami gwamman jaami’an diflomasiyar Rasha tun bayan da ta kaddamar ad mamaya a kan Ukraine, a yayin  da Rasha  ke daukar matakan ramuwa.