Girgizar kasa ta hallaka mutane 38

Akalla mutane 38 ne aka tabbatar da mutuwar su a kasar Italia sakamakon girgizar da aka samu a tsakiyar kasar a safiyar yau.

Mutane fiye da 30 ne suka mutu sakamakon girgizar kasar. REUTERS/Remo Casilli

Kafofin yada labaran kasar sun ce girgizar kasar mai karfin sama da maki 6 ta lalata gidaje da dama a kauyukan dake Yankin.

Magajin Garin Accumoli, Stefano Petrucci yace bayan ta’adin da aka samu yanzu haka basu da wuta da layukan tarho.