Sarauniya Elizabeth na bikin cika shekaru 90 a duniya
Al’ummar Birtaniya na bikin cika shekaru 90 da haihuwar Sarauniya Elizabeth ta biyu, wanda zai kunshi ziyarar ban girma daga Firaminista David Cameron wanda zai jagoranci ‘Yan Majalisar kasar a yau Alhamis.
Wallafawa ranar:
Yarima Charles zai gabatar da jawabin girmama ta kafar rediyo da za a watsa.
Ana sa ran Sarauniyar wadda bara ta doke kakar kakarta a matsayin Sarauniyar da tafi kowacce dadewa kan karagar mulki a kasar, za ta gudanar da wani kwarya kwaryar biki a Windsor Castle da kuma liyafar cin abinci tare da iyalan gidan sarautar kasar.
Ana kuma sa ran sojojin Birtaniya za suyi bikin harba bindigogi domin girmama Sarauniyar a birnin London.
Tun a ranar Laraba masoya suka hada gangami a Windsor dauke da Tutar Birtaniya suna taya Sarauniya murnar ranar haihuwarta.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu