An shirya yin zanga-zangar karo da juna a Ukraine
Magoya bayan shugaban kasar Ukraine Viktor Yanukovych sun shirya gudanar da wata gagarumar zanga-zanga domin karo da ‘Yan adawa da ke kiran sai shugaban ya yi murabus a birnin Kiev. Duk da barazanar da Amurka ta yi na kakabawa shugabannin kasar tukunkumi amma har yanzu ba a samu kwanciyar hankali ba a kasar Ukraine.
Wallafawa ranar:
Daruruwan masu adawa sun kwashe makwanni uku suna zanga-zangar kin jinin gwamnatin Yanukovych saboda ya ki amincewa da kawancen Ukraine da kungiyar Tarayyar Turai.
Amma domin hura wutar rikicin kasar, magoya bayan shugaban sun shirya gudanar da zanga-zanga domin karo da ‘Yan adawa.
Tuni dai Amurka tace tana sa ido akan abin da ke faruwa a Ukraine tare da kira ga mahukuntan kasar su dauki matakan da suka dace domin samun jituwa da ‘Yan adawa bayan an samu arangama tsakanin ‘Yan sanda da masu zanga-zanga.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu