‘Yan sanda sun yi arangama da masu zanga-zanga a Ukraine
‘Yan sandan Ukraine sun yi arangama da masu zanga-zangar kin jinin gwamnati a Kiev babban birnin kasar inda Jam’in tsaro suke kokarin tarwatsa gungun masu zanga-zangar a dandalin da suka mamaye tsawon makwanni biyu.
Wallafawa ranar:
Rahotanni daga birnin na Kiev, sun ce yanzu haka fiye da mutane dubu goma ne suka taru a wani makeken dandali suke kalubalantar matakin da ‘Yan sanda suka dauka na ruguza rumfunan da suka kafa domin neman shugaban kasar ya yi marabus daga mukaminsa.
A jiya Talata Shugaba Viktor Yanukovych ya gana da wasu tsoffin shugabannin kasar guda uku da shugabar ofishin manufofin ketare ta kungiyar Tarayyar Turai Cathrine Ashton, kan yadda za a kawo karshen tarzomar da ake fama da ita a kasar.
Zanga-zangar kin jinin gwamnatin dai ta barke net un a watan jiya bayan da gwamnatin Viktor Yanukovych ta yi watsi da yarjejeniyar kungiyar Tarayyar Turai.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu