MDD ta nemi Nijar ta dauki matakan tsaro a sansanonin 'yan gudun hijira

Babban Sakatare Janar na MDD Ban Ki-moon ya bukaci Gwamnatin kasar Nijar da ta karfafa matakan tsaro a sansanonin ‘yan gudun hijira bayan da wasu ‘yan bindiga suka kai wani kazamin hari da ya kashe sojan Nijar 22 da aka girke a wani sansani na ‘yan gudun hijira daga kasar Mali.

Babban Sakatare Janar na MDD Ban Ki-moon RIJASOLO / AFP

Yayin wannan hari na shekaranjiya Alhamis an kuma kona wata motar daukan marasa lafiya sannan aka wawushe kayayyakin da aka tara a sansanin ‘yan gudun hijiran.

Babu dai abinda ya sami ‘yan gudun hijiran da aka tara a wajen.