NATO ta ce ba ta da wani shirin kafa sansani a kasashen Sweden ko Finland

Kungiyar tsaro ta NATO ta fara bin matakan shigar da kasashen Sweden da Finland cikinta, a wani  yunkuri na kara fadada ayyukanta na soji zuwa kasashe 32.

Shugaban kungiyar tsaro ta NATO kenan, Jens Stoltenberg AP - Paul White

Wannan dai na daga cikin matakan da kungiyar ta dauka da nufin mayar da martani kan mamayar da kasar Rasha ta yi wa makwabciyarta wato Ukraine a ranar 24 ga watan Fabrairu.

Shugaban kungiyar Jens Stoltenberg bayan sanya hannu kan was muhimman takarardu da za su sharewa kaashen fagen shiga NATO, ya bayyana al’amarin a matsayin tarihi da ba za a mance da shi ba.

Sai dai NATO ta ce a halin yanzu ba ta da wani shiri na aika dakaru zuwa kasashen Sweden da Finland da zarar sun kasance mambobinta.

A watan Mayun 2022 ne dai kasashen suka nuna sha’awar su ta shiga kungiyar tsaro ta NATO, bayan da Rasha ta kaddamar da mamayar ta a Ukraine a cikin watan Fabrairu.