'Yan Brazil dubu 30 sun mutu a sanadin coronavirus
Adadin wadanda annobar Covid-10 ta kashe a Brazil a yanzu ya zarta mutane 30, abin da ya sa kasar ta zama daya daga cikin wadanda cutar ta fi yi wa ta’adi a duniya.
Wallafawa ranar:
Alkaluman da Ma’aikatar Lafiya ta fitar na nuni da cewa, an samu asarar rayukan mutane dubu 1 da 262 a cikin kwana daya a kasar, abin da ya sa Brazil ta zama kasa ta biyu da cutar ta fi saurin kisa a duniya baya ga Amurka.
Adadin mamatan ya karu ne a daidai lokacin da al'ummar kasar suka fara gudanar da harkokinsu na yau da kullum bayan an killace su a gidajensu na tsawon makwanni.
Gabanin wannan lokaci, Hukumar Lafiya ta Majalisar Dinkin Duniya ta yi gargadi game da gaggauta sakin jama'a a Brazil.
A jumulce, mutane dubu 555 da 383 suka harbu da kwayar cutar coronavirus a Brazil.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu