Sanders ya goyi bayan Clinton ta Amurka

Sanata Bernie Sanders da ya fafata da Hillary Clinton wajen neman takarar shugabancin Amurka a karkahsin Jam’iyyar Democrat ya bayyana goyan bayansa ga Clinton a wajen wani taron gangami da aka gudanar yau a New Hampshire.

Hillary Clinton da Bernie Sanders REUTERS/Brian Snyder

Sanders wanda ya yaba wa shugaba Barack Obama kan rawar da ya taka wajen fitar da kasar daga halin matsalar tattalin arzikin da 'yan Republican suka jefa ta, ya ce a shirye yake ya yi aiki da Clinton wajen ganin sun samu nasara a zabe mai zuwa don samar da ci gaba.

Sanata Sanders ya ce ya zama dole Clinton ta zama shugabar Amurka domin aiwatar da shirye-shirye masu inganci da za su daga darajar Amurka da kuma inganta rayuwar Amurkawa.