Clinton ta amsa tambayoyi a FBI

‘Yan takarar shugabancin Amurka a Jam’iyyar Democrat Hillary Clinton ta amsa tambayoyi daga Hukumar bincike ta FBI kan yadda ta yi amfani da kafar sadarwa ta email mallakinta a lokacin da tana sakatariyar harakokin wajen kasar.

Hillary Clinton ta Democrat EUTERS/Rick Wilking

Wani da kusa da ita ya ce an shafe sa’o’I uku da rabi Clinton na amsa tambayoyi a shalkwatar hukumar FBI a Washington.

Wannan na zuwa ne a yayin da ya rage makwanni uku kafin babban taron jam’iyyar Democrat da za a tsayar da ita ‘yan takarar shugaban kasa karkashin jam’iyyar da ke mulki a Amurka.

Binciken da ake akan Clinton na iya haifar da Baraka idan har masu kada kuri’a suka fara shakku kan aikata rashin gaskiya akan zargin da ake ma ta.