Mahaukaciyar guguwa ta yi mummunan ta'adi a kasar Mexico

Wata mahaukaciyar guguwa da kwararru suka sanya wa suna Barbara, ta isa a gabar ruwan kudancin kasar Mexico, kuma kawo yanzu ta yi sanadiyyar mutuwar akalla mutane 2, cikinsu har da wani tsoho dan shekaru 61 a duniya. Guguwar, wadda ke tare da ruwan sama mai karfin gaske, tana yi tafiyar akalla kilomita129 a kowace sa’a daya, kuma tuni ta haddasa mummunar barna ga gonaki da kuma gidaje har ma da wuraren da ke kunshe da muhimman kayayyaki na tarihi a cikin kasar ta Mexico.Hukumar hasashen yanayi ta kasar Amurka, ta bayyana guguwar a matsayin wadda za ta iya yin illa mai yawa, duk da cewa kawo yanzu ba ta da tabbas idan har za ta shafi wasu yankuna na kasar ta Amurka.