Yau Shugaban Philippine zai ziyarci yankunan da guguwa ta yi barna

A yau juma’a, Shugaban kasar Philippine, Benigno Aquino, ya ziyarci yankunan da mahaukaciyar guguwa ta afkawa, inda ya lashi takobin kawo karshen irin wannan bala’in a kasar.

Daya daga cikin yankunan da guguwar ta yi barna a Philippines REUTERS/Erik De Castro

Kusan mutane 500 ne suka rasa rayukansu, sakamakon guguwar mai suna Bopha, da ta afkawa yankunan tsibrin Mindanao, da ke kudancin kasar, a ranar Talata da ta gabata.
 

Wasu daruruwan mutanen sun bata sakamakon guguwar, yayin da mutane fiye da dubu 300 suka rasa gidajensu.