Dubban 'yan Burkina Faso sun yi zanga-zanga kan matsalar tsaro
Dubban mutane a Burkina Faso sun gudanar da zanga-zanga a ranar Asabar inda suke neman gwamnati ta dauki matakan kawo karshen hare-haren ta’addancin da suka addabi sassan kasar.
Wallafawa ranar:
Zanga-zangar da ta gudana a birnin Ouagadougou na zuwa ne bayan kisan gillar da ‘yan ta’adda suka yiwa mutane fiye da 130 ranar 4 ga watan Yuni a garin Solhan dake arewacin kasar.
Karo na farko kenan da ‘yan adawa tare da hadin gwiwar kungiyoyin fararen hula suka jagoranci zanga-zangar matsin lamba ga gwamnatin shugaba Roch Marc Christian Kabore, tun bayan nasarar tazarcen da yayi a zaben shekarar bara.
Tun daga shekarar 2015 al’ummar Burkina Faso suka soma fuskantar hare-haren ta’addancin kungiyoyi masu alaka da Al Qa’eda, tashin hankalin da kawo yanzu ya raba mutane akalla miliyan 1 da dubu 200 da muhallansu, yayin da wasu fiye da dubu 1 da 300 suka mutu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu