MDD ta nada Annadif shugaban samar da zaman lafiya

Majalisar Dinkin Duniya ta nada Ministan harkokin wajen Chadi Mahamat Saleh Annadif a matsayin shugaban dakarun samar da zaman lafiya a kasar Mali.

Mahamat Saleh Annadif. AFP / Desirey Mnkoh

Majalisar ta ce Annadif ya taka rawa sosai wajen sasanta rikice-rikice a kasashen Afirka cikin su har da na kasashen Nijar, Jamhuriyar Afirka ta Tsakiya da Sudan.

Ministan wanda ya jagoranci aikin samar da zaman lafiya a Somalia a karkahsin kungiyar kasashen Afirka zai maye gurbin Mongi Hamdi dan kasar Tunisia.