Tsohon dalibi ya hallaka 'yan makaranta 17

Wani tsohon dalibin wata makaranta dake Florida a kasar Amurka, ya bude wuta kan daliban makarantar inda ya kashe 17 daga ciki.

Wasu daga cikin daliban makarantar 'Marjory Stoneman Douglas High School' a Florida da ke Amurka, yayin da ake kwashe su, bayan harin da wani tsohon dalibi ya kai inda ya hallaka dalibai 17. Reuters

Scott Israel, jami’in tsaro a Yankin Broward County, ya bayyana dalibin a matsayin Nikolas Cruz, wanda aka kora daga makarantar saboda aikata wasu laifuka.

Tuni jami’an tsaro suka kama Cruz, wanda yanzu yake amsa tambayoyi.

Gwamnan Florida, Rick Scott, ya bayyana kisan ta’addancin a matsayin mugunta karara.