An kama mutane 7 saboda kisan gilla a Serbia

Jami’an tsaron Kasar Serbia sun tsare mutane 7 da ake zargi da hannu a kisan gillar da aka yiwa mutane da dama a shekarar 1995, kuma shine karon farko da hukumomin kasar suka gudanar da wannan irin kamen

Jami'an tsaron Serbia thetimes.co.uk

Mutanen da ake zargin da kuma ba’a ambaci sunayensu, na daga cikin Mambobin wata Kungiya a Bosnia.

Akalla Mutane dubu 8 ne da kananan yara, aka kashe, yayinda aka jibge gawawwakinsu a wani rami mai fadin gaske a lokacin kisan gillar na Serbiyawan Bosniya da aka bayyana a matsayin mafi kamari da aka gani a Nahiyar Turai tun bayan yakin duniya.

Masu gabatar da karan, na cigaba da bukatar gano karin wasu mutane da aka ce an kashe a makwabtan kasashe a lokacin da aka gudanar da kisan gillar.

Wadanda aka Kaman kuma, Mambobin wata kungiyar Serbiyawan Bosniya na Joharina ne, da aka ce suna da hannu a kisan gillar na ranar 13 ga watan yulin shekara ta 1995.