Arsenal ta karbi jagorancin teburin Firimiya bayan nasara kan Luton

Arsenal ta koma jagorancin teburin Firimiyar Ingila bayan nasarar doke Luton da kwallaye 2 da nema a daren jiya Laraba, ko da ya ke haduwar Liverpool da Shiffield United ce za ta tabbatar da ci gaba da zaman tawagar ta Mikel Arteta a saman teburin ko akasin haka.

'Yan wasan Arsenal bayan nasara a karawarsu. AP - Kin Cheung

Arsenal ta doka wasan na jiya ne ba tare da dan wasanta mafi zura kwallo ba, wato Bukayo Saka wanda ya samu rauni yayin haduwarsu Manchester City a karshen mako.

Yanzu haka Arsenal na jagoranci ne da maki 68 tazarar maki guda tal tsakaninta da Liverpool a gurbin ta biyu da kuma Manchester City a gurbin ta 3, ko da ya ke tawagar Jurgen Klopp na da wasa guda a hannu.

Luton FC ta doka wasan na jiya ne tare da tarin ‘yan wasanta ba, wanda ya tilasta mata dakko kananun ‘yan wasa daga kwalejin horar da ‘yan wasa na kungiyar.