PSV da Borussia Dortmund sun buga kunnen doki a zagayen kungiyoyi 16
Kwallon da Luuk de Jong ya saka a raga daga bugun daga kai sai mai tsaron raga ce ta bai wa PSV Eindhoven damar buga canjarar 1 da 1 da Dortmund a Zubin farko na matakin zagayen kungiyoyi 16 a gasar zakarun nahiyar Turai.
Wallafawa ranar:
Dan wasan gaban na Netherlansds ya farke kwallon da Dortmund ta saka musu ne a cikin minti 10 da dawowa hutun rabbin lokaci, bayan da alkalin wasa ya yanke hukunci cewa Mats Hummels ya rafke Malik Tillman a cikin da’ira ta 18.
Donyell Malen ne ya ci wa Dortmund kwallo kafin a tafi hutun rabin lokaci.
Za a buga zubi na biyu na wannan wasa a ranar 13 ga watan Maris.
PSV ce ta fi samun damammakin saka kwallaye a raga a wasan kafin a tafi hutun rabin lokaci amma ta gaza saka ko da guda a raga.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu