Kroos ya tsawaita kwantiragi da Real Madrid

Dan wasan tsakiya na Jamus Toni Kroos ya amince ya tsawaita kwantiraginsa da Real Madrid har zuwa shekarar 2022 kamar yadda kungiyar ta sanar a ranar Laraba.

Dan wasan Real Madrid Toni Kroos a Santiago Bernabeu REUTERS/Andrea Comas

A shekarar 2014 ne dan wasan ya koma Real Madrid daga Bayern Munich a kan farashin Euro miliyan 25, yayin da ya buga mata wasanni 108, in da ya ci mata kwallaye hudu kacal.

Kroos dai na cikin tawagar da ta lashe wa Jamus gasar cin kofin duniya a shekarar 2014.