Scholes ya haska, Inter ta doke Milan, Real da Barca sun lashe wasanninsu

A wasannin da aka gudanar karshen mako, Manchester united makin ta daya da Manchester City a Ingila, Real Madrid da Bercelona dukkaninsu sun lashe wasanninsu, Inter Milan kuma ta doke AC Milan. Ancelotti ya lashe wasan shi ta farko a PSG.

Dan wasan Manchester United Scholes lokacin da yake murnar zira kwallo a ragar Bolton Wanderers REUTERS/Darren Staples

Ingila

A Ingila dai yanzu makin Manchester United daya ne da Manchester City a saman Table bayan United ta doke Bolton ci 3-0, Kafin City ta buga wasanta a yau Litinin.

Paul Scholes dan wasan United ya samu nasarar zira kwallo a ragar bayan dawowa fagen wasa.

Tottenham kuma ta yi kunnen doki ne ci 1-1 tsakaninta Wolves.

Arsenal ta sha kashi ne hannun Swansea City ci 3-2.

Chelsea kuma ta samu nasarar doke Sunderland ci 1-0 a Stamford Bridge.

Spain

A La liga kuma Bercelona ta doke Real Betis ci 4-2, wannan nasarar ce ta datse yawan maki 8 zuwa 5 da Real Madrid ta ba Barcelona a ranar Assabar bayan Madrid ta samu nasarar Doke Mallorca ci 2-1.

Italiya

A gasar Seria A, Inter Milan ta samu nasarar doke AC Milan ci 1-0 a filin wasa na San Siro.

Dan kasar Argentina ne Diego Milito ya zirawa Inter kwallonta a ragar Milan, kuma yanzu Inter ta gurguso zuwa matsayi na biyar a saman Table maki 5 tsakaninta da AC Milan.

A daya bangaren kuna Juventus ta yi kunnen doki ne ci 1-1 tsakaninta da Caglairi

Faransa

A French League, Marseille ta lallasa Lille ci 2-0, kuma wannan ne karo na farko da aka samu galabar Lille bayan buga wasanni goma sha bakwai ba tare da samun galabarta ba.

A ranar Assabar kuma Carlo Ancelotti ya lashe wasan shi ta farko a PSG bayan ya doke Toulouse ci 3-1, kuma yanzu PSG ce ke jagoranci table da yawan maki 3.