Spain ka iya zama cibiyar kwararar 'yan ci rani zuwa turai - EU
Kungiyar kasashen turai ta bayyana fargabar cewa mai yiwuwa Spain ta zama sabuwar cibiyar kwarar bakin-haure daga nahiyar Afrika zuwa nahiyar turai.
Wallafawa ranar: Chanzawa ranar:
Gargadin na wasu jami’an kungiyar ta EU, ya zo ne bayan da kididdiga a bayan bayan nan ta nuna cewa kimanin bakin-haure daga nahiyar Afrika 19,000 suka shiga Spain cikin watanni biyar na farkon shekarar 2018 da muke ciki.
A karon farko kididdigar ta nuna cewa yawan ‘yan ci ranin da suka kwarara zuwa Spain ya zarta wadanda ke isa kasar Italiya a cikin ‘yan watanni, la’akari da cewa ‘yan ci ranin dubu 19 da suka isa Spain a farkon wannan shekara sun kusa kai adadin baki dayan wadanda suka isa kasar cikin shekarar 2017.
Kwarar ‘yan ci rani daga nahiyar Afrika zuwa Spain ya karu ne sakamakon matakin da gwamnatin Italiya ta dauka na rufe dukkanin tashohin jiragen ruwanta daga karbar bakin-hauren da ke ketara tekun Mediterranean don isa cikinta.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu