Yau aka fara tuhumar Salah Abdelslam

A wannan juma’a ne Salah Abdel Salam zai gurfana a gaban alkalan kotu domin fara yi masa tambayoyi dangane da harin birnin Paris da ya lakume rayuka 130 a Nuwamba Bara.

Maharin Birnin Paris Salah Abdelslam

Baya ga wannan kuma, Bangaren shari’a na kasar Faransa ya bukaci hukumomin Belgium da su mika masa mutane hudu da ake zargi da hannu wajen kai harin da ya yi sanadiyyar mutuwar mutane 130 cikin watan nuwambar bara a Paris.

A na dai zargin uku daga cikin mutanen da taimaka wa Salah Abdussalam wanda shi ne kawai ya rage a raye daga cikin wadanda suka kai harin.