Matsalar bakin haure ta ta’azzara a kasashen Turai

Wasu sabbin alkalumma da cibiyar kididdiga ta Tarayyar Turai ta fitar na tabbatar da cewa yawan masu bukatar mafaka ko kuma izinin shiga a matsayin ‘yan gudun hijira a Turai ya karu da kimanin 85 % a yankin daga bara zuwa bana.

Dimbin 'yan gudun hijira a Kuroshiya REUTERS/Laszlo Balogh

Rahoton ya ce kasar Jamus ce sahun gaba da masu bukatar irin wannan izini suka gabatar da bukatunsu, sai kasashen Hungry da Austria, yayin da Faransa ke a matsayin kasa ta uku.

Yanzu haka dai kasar Kuroshiya ta kange iyakarta da kasar Hungry inda dubban ‘yan gudun hijira ke kokarin tsallakawa zuwa cikin kasar.