Switzerland za ta karbi 'Yan gudun hijirar Syria 1,500

Kasar Switzerland tace za ta karbi yan gudun hijirar Syria 1500 a cikin shekaru biyu masu zuwa kana kuma zata kara yawan tallafin da take baiwa kasar.

Wasu daga cikin 'Yan gudun hijirar Syria dake neman mafaka a Turai. REUTERS/Ognen Teofilovski

Sai dai gwamnatin kasar tace ba zata karbi yan gudun hijirar da yanzu ke kasashen Italia da Girka da aka riga aka yiwa rajista ba.

Switzerland ta  ce ta ware Karin Dala miliyan 70 dan mikawa kasashen Syria, Iraqi da arewacin Afirka.

Wannan dai na zuwa ne a daidai lokacin da baki ‘Yan gudun hijira ke ci gaba da kwarara zuwa Turai.