Firaministan Birtaniya Cameron ya fara ziyarar aiki a kasar India

Firaministan Britaniya, David Cameron, ya fara ziyarar aiki a kasar India, kasa da mako guda bayan ziyarar da shugaban kasar Faransa, Francois Hollande ya kai kasar. Cameron wanda ke tafe da ‘yan kasuwa da dama, zai sanya hannu a yarjejeniyar da ta hada da makamashi, tsaro da kuma ilimi.

Firaministan Kasar Birtaniya, David Cameron Reuters / Plunkett

Wannan na zuwa ne bayan India ta soke kwangilar jiragen yaki da kasar Italiya, sakamakon kama shugaban kamfanin saboda zargin bada cin hanci Dala miliyan 50 kafin samun kwangilar.