Gobara ta kona shaguna 200 a kasuwar Singa ta Kano

Wata gobara da ta tashi a yau Alhamis a kasuwar Singa da ke jihar Kano na Najeriya ta lalata akalla shaguna 200.

Gobara ta shafi shaguna akalla 200 a kasuwar Singa ta Kano da ke Najeriya. leadership.ng

Daraktan hukumar kwana-kwana ta jihar, Alhaji Balarabe Kabara ya tabbatar da aukuwar lamarin, inda ya ce, gobarar ta tashi da misalin karfe 6 na safe agogon Najeriya.

Alhaji Kabara ya ce, suna kan kokarin kashe gobarar wadda ta kona manyan dakunan ajiyan kayayyaki da abinci da sauran kayayyakin amfani.