'Yan Houthi sun harba makami mai linzami kan jirgin yakin Amurka

'Yan tawayen Houthi na Yemen sun harba makami mai linzami kan jirgin ruwan yakin Amurka da ke sintiri a mashigin tekun Aden a ranar Juma'a, lamarin da ya tilastawa jirgin mayar da martani.

Jirgin ruwan yakin Amurka AP - Mass Communication Specialist Seaman Anna Van Nuys

Harin da aka kai kan jirgin ruwan yakin Amurka, Amurka USS Carney, ya nuna wani sabon tashin hankali a fada mafi girma da sojojin ruwan Amurka suka yi a yankin gabas ta tsakiya cikin shekaru da dama da suka gabata,a daya gefen 'yan tawayen Houthi sun kai wani harin makami mai linzami wanda ya kona wani jirgin ruwan kasuwanci a cikin dare daga ranar Juma’a zuwa jiya Asabar.

Harin yan tawayen Houthi kan wani jirgin kasuwanci AP

Da sanyin safiyar jiya Asabar, sojojin Amurka sun kai wani hari kan wani makami mai linzami na Houthi.

'Yan tawayen Houthi AP

Tashar talabijin ta Al-Masirah ta tauraron dan adam ta Houthis ta ce an kai harin ne a kusa da birnin Hodeida mai tashar jiragen ruwa, ba tare da bayar da bayyanai dangane da barnar da aka samu biyo bayan hakan.