Colombia ta dawo da jakadanta gida biyo bayan wasu kalaman shugaban Argentina

A jiya Juma'a ne kasar Colombia ta sanar da kiran jakadanta a Argentina domin tattaunawa, bayan da shugaban kasar Argentina Javier Milei ya bayyana shugaban kasar Colombia Gustavo Petro a matsayin dan gurguzu mai kisa.

Wasu daga cikin yan kasar Argentina masu adawa da manufofin Shugaba Javier Milei, AFP - TOMAS CUESTA

  Shugaban Argentina Javier Milei a wata hira da wani dan jarida dan Colombia ya dangata shugaban Colombia Gustavo Petro a matsayin "mai kisa, dan gurguzu wanda ke zubar da kimar Colombia".

Shugaban kasar Colombia Gustavo Petro © AP - Fernando Vergara

Nan take Shugaban na Colombia Gustavo Petro ya mayar da martani ga kalaman takwaransa na Argentina, inda ya bayyana cewa wadanda suka kai masa hari "ba su da masaniyar menene tsarin gurguzu", ya kara da cewa "mun yi imani kuma muna son cewa hanyoyin samar da kayayyaki suna hannun jama'a da kuma yadda ake gudanar da ayyukansu.

Kasar ta Colombia ba tare da jan kaf aba,ta kira jakadanta  a  Argentina, Camilo Romero, "don tuntuba", in ji ma'aikatar harkokin wajen kasar a Bogota.

Shugaban kasar Argentina Javier Milei a zauren Majlisa AP - Gustavo Garello

Dangantaka tsakanin Colombia da Argentina a tarihi tana da kyau, amma ta tabarbare tun lokacin da Javier Milei ya hau kan karagar mulki a watan Disamba 2023.