Shugaban Brazil Dilma Rousseff Na Zargin Mataimakin ta Da yi Mata Zagon Kasa

Shugaban kasar Brazil Uwargida Dilma Rousseff ta zargi mataimakin ta da kulla makarkashiyar tsige ta daga mulki.

Shugaban Brazil Uwargida Dilma Rousseff ta na jawabi ga manema labarai a Brasilia. REUTERS/Adriano Machado

Dilma Rousseff ta fadi cikin wani jawabi da ta gabatar cewa ta gano a zahiri cewa mataimakin ta Michel Temer na da hannu wajen kulle-kullen kawar da ita daga madafun iko.

Wakilan majalisar kasar za su fara daukan matakan tsige ta a zaman da za su yi ranar Juma'a mai zuwa.

Farin jinin shugaban ya ragu  ainun kasancewa tattalin arzikin kasar ya sukurkuce sosai.