Donald Trump ya lashe zaben fitar da gwani na Republican a Nevada
Dan takarar shugabancin Amurka Donald Trump karkashin tutar jam’iyyar Republican ya lashe zaben fitar da gwani a Nevada da gagarumin rinjaye, fiye da manyan abokan hammayarsa Ted Cruz da Marco Rubio.
Wallafawa ranar:
Karo na uku ke nan Trump na samun nasara a zaben fitar da gwani da aka gudanar a Jihohin Amurka. Trump ya zo a matsayi na daya a Jihar New Hampshire da South Carolina, sannan ya zo a matsayi na biyu a zaben Iowa.
Ya samu kashi 42 na kuri’u fiye da Sanata Marco Rubio na Florida da ya zo a matsayi na biyu da kashi 24 da kuma Ted Cruz na Texas a matsayi na uku da kashi 22.
Trump ya godewa ‘Yan republican a Nevada da suka zabe shi a sakon godiya da ya rubuta a Twitter.
Trump ya gode wa mutanen Nevada
THANK YOU NEVADA! WE WILL MAKE AMERICA SAFE & GREAT AGAIN! https://t.co/ClAnLIg0AD pic.twitter.com/zVvyVCIaD4
Donald J. Trump (@realDonaldTrump) February 24, 2016
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu