An kashe jagoran ISIS da ke da hannu a harin Paris

Ma’aikatar tsaron Amurka ta bayyana cewa wani shugaban kungiyar ISIS da ke da hannu a hare haren da aka kaddamar a birnin Paris na kasar Faransa, na cikin jiga-jigan kungiyar 10 da aka kashe cikin wannan watan a Syria da Iraqi. 

Charaffe el Mouadan daya daga cikin shugabannin kungiyar ISIS mai da'awar jihadi AFP

Mai magana da yawun rundunar Amurka da ke yaki a Iraqi, Kanar Steve Warren ya shaida wa manema labarai cewa an kashe Charraffe el-Mouadan a hare haren jiragen sama da rundunar hadin gwiwa karkashin jagorancin Amurka ta kai a ranar 24 ga wannan wata na Disamba.

Amurka dai na zargin Mouadan da shirya kaddamar da wasu hare haren nan gaba a kasashen Turai.