Saudiyya Ta Kare Kanta daga Zargin mutuwar Alhazai

Kasar Saudiyya ta kare kanta daga zargi da wasu keyi mata cewa sakacin ta ya janyo mutuwar mutane 769 a wajen jifan shaidan na farko ranar Alhamis data gabata. 

Ministan Waje na kasar Saudiyya Adel Al-Jubeir tare da Ministan waje na Rasha Sergei Lavrov REUTERS/Maxim Shemetov

Ministan waje na kasar Saudiyya Adel Al-Jubeir ya fadi cewa bai dace ba kasar Iran ta maida wannan tsautsayi harkan siyasa.

A cewar Ministan, Saudiyya ta dauki matakai da suka dace domin nasarar aikin hajjin na bana.

A yanzu haka dai Hukumomin Saudiyyan na cigaba da gudanar da cikakken binciken musabbabin wannan turmutsitsi.