Cuba na bin Amurka bashin miliyoyin daloli

Tsohon Shuagban kasar Cuba Fidel Castro wanda yayi bikin cika shekaru 89 a duniya, ya ce Cuba na bin Amurka bashin miliyoyin daloli saboda takunkumin kasuwancin da ta kakabawa kasar na shekaru 50.

tsohon Shugaban Cuba Fidel Castro rike da wata Jarida REUTERS/Alex Castro/Courtesy of Cubadebate

Castro ya bayyana haka ne a kasidar da ya wallafa a jaridun kasar, kwana guda kafin Sakataren harkokin wajen Amurka, John Kerry ya ziyarci kasar.

Amurka ta sanyawa Cuba takunkumi ne a shekarar 1962 bayan Castro ya kwace mulki daga hannun gwamnatin da take goyawa baya, abinda ya sa ta kakaba mata takunkumi.