Obama ya yi sabbin nade nade

Shugaban kasar Amirka Barack Obama ya yi sabbin nade-nade, da suka hada da na Sakataren tsaro da kumasabon Daraktan Hukumar Leken Asiri ta CIA. Obama, ya gabatar da sunan tsohon Dan Majalisar Dattijai Chuck Hagel a matsayin sakataren tsaron, inda ya yi ta yabon sa a matsayin mutun da ba ya da kwalo-kwalo.

Shugaban Amurka Barack Obama tare da Chuck Hegel sakataren da John Brennan Shugaban CIA AFP PHOTO/Brendan SMIALOWSKI

Shugaba Obama yace Chuck Hagel mutum ne mai kishin Amurka ne, ganin yadda ‘yan majalisa daga bangaren Republican suka rika kushe shi saboda kalamansa game da kasar Isra’ila.

A cewar Shugaba Obama Chuck Hagel wanda ya samu sabani da jam’iyyarsa ta Repulican saboda ya kushe yakin da kasar Amurka ta kulla da kasar Iraki, ya cancanci a jinjina masa saboda tsananin kishin kasa da ya ke da shi.

Shugaba Obama ya kuma gabatar da sunan John Brennan a matsayin wanda zai bai wa mukamin Babban Daraktan Hukumar Leken CIA, wanda zai maye gulbin David Petraus.

A cewar Shugaba Obama, John Brennan, gwani ne.