Mutane 34 sun mutu a hatsarin mota a Aljeriya

Akalla mutane 34 ne suka mutu yayin da 12 suka jikkata a jiya  Laraba a wani karon tawo mu gama tsakanin motoci guda  kusa da Tamanrasset, a kudu mai nisa na Aljeriya.

Wasu daga cikin hanyoyin sufuri a nahiyar Afirka Brian Dell/CC/Wikimedia

Hatsarin wanda ya biyo bayan gobarar ya afku ne a lokacin da motar bas da ta hada Adrar zuwa Tamanrasset mai tazarar kilomita 2000 daga babban birnin kasar Algiers ta afkawa wata motar kasuwanci.

Yawancin wadanda harin ya rutsa da su sun kone kurmus, kamar yadda kafafen yada labaran kasar suka bayyana.

Wani yankin Ouargla a kasar Algeriya DR

Gudun masu ababen hawa ciki har da direbobin motocin jama'a ne ke haddasa hadurran kan tituna a kasar Aljeriya, a cewar hukumar kula da hadura ta kasar  da aka sani da National Safety.

A cikin shekarar 2022, Aljeriya ta sami kusan  hadurran 22,980  na ababen hawa, wanda ya yi sanadin mutuwar mutane 3,409 da raunata 30,479, a cewar wakilin kiyaye hadura a kan  hanyoyin mota na kasa, Nacef Abdelhakim.